Zııandy jumystaǵy azamattarǵa beriletin taǵam ratsıony naqtylanbaq — Eńbek mınıstrligi
ASTANA. KAZINFORM — Qazaqstanda jumysshylardy sútpen jáne emdik-profılaktıkalyq taǵammen qamtamasyz etý qaǵıdalaryna ózgerister engiziledi. Tıisti túzetýler jobasyn Eńbek jáne halyqty áleýmettik qorǵaý mınıstrligi ázirledi.
Vedomstvonyń málimetinshe, jańartylǵan qujat jumysshylardyń densaýlyǵyn qorǵaýdy kúsheıtýdi kózdeıdi.
Atap aıtqanda, túzetýler aıasynda mynadaı máseleler rettelmek:
emdik-profılaktıkalyq taǵam berý erejelerin naqtylaý;
taǵam ratsıonynyń quramy men onyń fýnktsıonaldyq maqsatyn aıqyndaý;
jekelegen komponentterdi berý nysandaryn bekitý;
termınologııany birizdendirý jáne quqyqtyq qaıshylyqtardy joıý.
— Jobanyń negizgi maqsaty — normalardy barynsha túsinikti etip, zııandy eńbek jaǵdaılarynda jumys isteıtin azamattardy áleýmettik qorǵaýdy nyǵaıtý, — dep atap ótti mınıstrlik ókilderi.
Sonymen qatar vedomstvo sút pen taǵam beriletin qyzmetkerler tizimi men ony alý tártibinde eshqandaı ózgeris bolmaıtynyn, tek tehnıkalyq jáne mazmundyq túzetýler engiziletinin naqtylady.
Qazirgi ýaqytta qujat «Ashyq NQA» portalynda ornalastyrylǵan. Ony talqylaý aǵymdaǵy jyldyń 14 mamyryna deıin jalǵasady.
Aıta keteıik, Nestlé, Danone jáne Lactalis ýytty zatqa baılanysty sút qospalaryn keri qaıtaryp jatqanyn jazǵan edik.
