Zııandy jumys istegen 37 myń adamǵa 208 myń teńgeden tólem jasalady
Eńbek jáne halyqty áleýmettik qorǵaý vıtse-mınıstri Nazgúl Saǵyndyqova 55 jasqa tolǵannan keıin arnaýly áleýmettik tólemdi alatyndar qaıda habarlasýy kerek ekenin túsindirdi, dep habarlaıdy Kazinform.
Osy tólemdi taý-ken, medıtsına, óńdeý ónerkásibinde, shahtada jumys istep júrgen adamdar alady.
«Zııandy eńbek jaǵdaıynda jumys isteıtin azamattar endi 55 jasqa tolǵan soń, osy arnaýly tólemdi alady. Ol tólemniń mólsheri 4 kózden quralady. Respýblıkalyq bıýdjetten 2 eń tómengi kúnkóris deńgeıi mólsherinde, odan keıin jumys berýshiniń ózinen 1 eń tómengi kúnkóris deńgeıinde, sondaı-aq ómirdi saqtandyrý kompanııasynan jáne Biryńǵaı jınaqtaýshy zeınetaqy qorynan baǵyttalady. Osynyń barlyǵyn qosyp, bir ýaqytta tólenedi», - dedi N. Saǵyndyqova Senattyń jalpy otyrysynan keıin tilshiler suraǵyna jaýap bere otyryp.
Bul turǵyda ol shahterge nemese basqa da zııandy eńbek jaǵdaıynda jumys istegen adamdarǵa tólenetin arnaýly áleýmettik tólemniń ortasha somasyn aıtty.
«Ortasha somasy 208 myń teńge bolady. Ózderińizge málim, respýblıkalyq bıýdjet týraly zań qabyldandy. Sol zańda eń tómengi kúnkóris deńgeıi 43 myń teńge deńgeıinde bekitildi. ıAǵnı respýblıkalyq bıýdjetten 86 myń teńge, jumys berýshiden 43 myń teńge bólinedi.
Taǵy 43 myń teńgeni ómirdi saqtandyrý kompanııasy tóleıdi. Sondaı-aq ortasha eseppen 35 myń teńge zeınetaqy qorynan aýdarylady. Keler jyly 1 qańtardan bastap 37 myń adam osy tólemdi alady», - dedi vıtse-mınıstr.
Bul tólemdi zııandy jumystarda isteıtin azamattar 55 jasqa tolǵanda, sondaı-aq keminde 84 aı mindetti kásiptik zeınetaqy jarnalary tólengen bolsa, jumysynan ketkende nemese basqa jeńil qyzmetke aýysqan kezde alady. Arnaıy áleýmettik tólem zeınetkerlik jasqa tolǵanǵa deıin iske asyrylady.
Nazgúl Saǵyndyqovanyń sózine qaraǵanda, bul járdemaqyny alý úshin qyzmetkerler jumys orny boıynsha kadr bólimine habarlasyp, tıisti ótinish jazýy qajet. Bul rette shahter zııandy eńbek jaǵdaıyndaǵy jumysyn toqtatanyn jáne kez kelgen basqa jumysqa aýysatynyn mádimdeıdi. Osy ótinish Eńbek mınıstrliginiń júıesine avtomatty túrde jiberilip, bul adamǵa arnaýly áleýmettik tólem bekitiledi.
Budan buryn habarlanǵandaı, búgin Senattyń jalpy otyrysynda «Qazaqstan Respýblıkasynyń keıbir zańnamalyq aktilerine qoǵamdyq birlestikter jáne eńbek jaǵdaılary zııandy jumystarda isteıtin adamdardy áleýmettik qorǵaý máseleleri boıynsha ózgerister men tolyqtyrýlar engizý týraly» Zańy maquldandy.
