Zııandy eńbek jaǵdaıynda jumys isteıtin qyzmetkerler arnaıy tólemdi qalaı alady
ASTANA. KAZINFORM - Osy jyldyń 1 qańtarynan bastap elimizde Memleket basshysynyń tapsyrmasy boıynsha zııandy eńbek jaǵdaıynda jumys isteıtin adamdarǵa arnaıy áleýmettik tólem engizildi. Ol qalaı jáne kimge tólenetinin Kommýnıkatsııalar qyzmetinde ótken brıfıngide eńbek jáne áleýmettik qorǵaý komıteti Astana boıynsha departamentiniń basshysy Qanat Toqtybaev aıtyp berdi. Bul týraly elorda ákimdiginiń resmı saıty jazdy.
Arnaıy áleýmettik tólem – zııandy eńbek jaǵdaıynda jumys isteıtin qyzmetkerlerge tólenetin tólem. Ol «Azamattarǵa arnalǵan úkimet» memlekettik korporatsııasy arqyly júzege asyrylatyn bolady.
Arnaýly áleýmettik tólemderdi qarjylandyrý olardy resimdeý sátindegi zııandy jaǵdaılardaǵy jumysqa baılanysty tórt ne eki kózden iske asyrylady.
Eńbek jaǵdaıy zııandy jumystarda isteıtin qyzmetkerler mynadaı tólemderden turatyn arnaıy áleýmettik tólemge úmitker bola alady:
- arnaıy kásiptik memlekettik járdemaqy - 2 eń tómengi kúnkóris deńgeıi mólsherinde;
- zeınetaqyǵa deıingi annýıtettik saqtandyrý sharty boıynsha saqtandyrý tólemi - 1 eń tómengi kúnkóris deńgeıi mólsherinde;
- jumys berýshiniń qarajaty esebinen kásibı tólem – 1 eń tómengi kúnkóris deńgeıi mólsherinde;
- Biryńǵaı jınaqtaýshy zeınetaqy qorynan mindetti kásiptik zeınetaqy jarnalary (MKZJ) esebinen qalyptastyrylǵan zeınetaqy tólemi-jınaqtaýǵa baılanysty.
Tólem mynadaı jaǵdaıda taǵaıyndalady:
- 55 jasqa tolǵanda;
- qyzmetker úshin 84 aı (7 jyl) úshin mindetti kásiptik zeınetaqy jarnalaryn tóleýdi rastaý;
- zııandy eńbek jaǵdaılary bar jumystarda eńbek qyzmetin toqtatý nemese zııandy óndiristik faktorlardyń áserin boldyrmaıtyn basqa jumysqa aýystyrý.
Tólem zeınetkerlik jasqa tolǵanǵa deıin tólenedi. Óıtkeni zeınetaqy taǵaıyndalǵannan keıin olar toqtatylady. Arnaıy áleýmettik tólemder zııandy eńbek jaǵdaılarynda jumys isteıtin qyzmetkerlerdi qorǵaý quraldarynyń biri bolyp sanalady.
«Tólem alýshy zııandy eńbek jaǵdaılarynda jumys isteı almaıdy. Osylaısha, eger adam tólem alý quqyǵyn iske asyrsa jáne zııandy eńbekke ornalastyrylsa, onda barlyq kózderden tólemder avtomatty túrde toqtatylady», – dep túsindirdi spıker.
Arnaıy áleýmettik tólem alý úshin qyzmetker kelesi qyzmet nusqalarynyń birin tańdaýy kerek:
jumys berýshimen kelisim boıynsha zııandy eńbek jaǵdaılaryna baılanysty emes sol kásiporyndaǵy basqa jumysqa aýysýdy resimdeý;
zııandy eńbek jaǵdaılaryna baılanysty emes kásiporynnan tys basqa jumysqa óz betinshe ornalasyńyz;
eńbek qyzmetin jalǵastyrmańyz.
