Zııan «paıdaly» taǵamdar
ASTANA. 25 jeltoqsan. QazAqparat - Zamanaýı jarnama quraldary densaýlyqqa esh paıdasy joq taǵamdardy da bizge jaqsy dep úıretip keledi. Keıbir shyn máninde zııan bolatyn, biraq biz paıdaly dep tanıtyn taǵamdardy bilip júrińiz.
Dıetaǵa arnalǵan nan
Túrli dándi daqyldardan ázirlengen, arnaıy dıetaǵa arnalǵan nandy paıdaly, quramyndaǵy talshyqtar asqorytý júıesin jaqsartady degen pikir qalyptasqan. Biraq jıi jaǵdaıda dándi daqyldy nanda dánniń uny ǵana qoldanylady, al ol óz kezeginde sonshalyqty paıdaly bolmaıdy.
Asqorytý júıesine naǵyz paıdany tutas dándi nan ǵana ákeledi. Tutas dánderden pisirilgen nanda dánniń kebegi saqtalady. Dál osy kebek asqazanǵa paıdaly bolyp, ishekterdi tazalaıdy.
Daıyn tańǵy as
Daıyn tańǵy as turmaq, tańǵy asty ishýdiń ózi densaýlyqqa paıdaly dep bilemiz. Óndirýshiler astyń dámin keltirý úshin daıyn tańǵy asqa qant pen kantseragendi qospalar qosady. Sondyqtan onyń da paıdasynan góri zııany kóp.
Mıýslı atalatyn tutas dándi daqyldar men jańǵaq, keptirilgen jemisten turatyn tańǵy as tátti daıyn tańǵy astardan áldeqaıda paıdaly. Granola atty tańǵy as ta tek tabıǵı dánder men jańǵaqtar men baldan ázirlenedi. Keleside daıyn tańǵy astardyn osy túrlerin alyp kórińiz.
Cýshı men rolldar
Árıne sýshı men roldardaǵy pispegen balyq, kúrishtiń kalorııalyǵy tómen bolady. Biraq eń dámdi sýshı túrlerine jıi jaǵdaıda maıonez, irimshik, qýyrylǵan quramdas bólikter qosady.
Úırenshikti sýshıge tapsyrys bergende onyń arasynan eń dıetıkalyq túrlerin tańdap, rasymen tek teńiz ónimderi men kúrishten ázirlengenin tańdańyz. Sondaı-aq kókónisterden jasalynatyn roldar, kımbaptarǵa nazar aýdaryńyz.
Shyryn
Shyryn jemisterdiń dárýmenderi men tabıǵı paıdaly zattardyń qaınar kózi dep bilemiz. Biraq dúkendegi daıyn shyrynǵa qant pen boıaǵysh zattar, sý qosady. Kelesi joly paıdaly shyryn ishkińiz kelse, jańa syǵylǵan túrin izdeńiz nemese kez-kelgen jemisti jeńiz, dep jazady massaget.kz.
Al siz qandaı zııan «paıdaly» taǵamdardy bilesiz?
