Zııaly qaýym men jýrnalıster arasyndaǵy bılıard týrnıriniń jeńimpazdary anyqtaldy
ASTANA. QazAqparat – Astanada zııaly qaýym jáne BAQ ókilderi arasynda ótken Joldasbek Dýanabaı atyndaǵy dástúrli bılıard týrnıriniń jeńimpazdary anyqtaldy, dep habarlaıdy QazAqparat.
48 adam baq synaǵan týrnırge joǵary ulttyq dárejedegi tóreshi Nesip Júnisbaıuly qazylyq etti.
Jarys qorytyndysy:
55 jastan asqandar sanaty:
І oryn (100 myń teńge) – Eýrazııa ulttyq ýnıversıteti Jýrnalıstıka jáne saıasattaný fakýltetiniń dekany, ǵalym Qaırat Saq;
ІІ oryn (70 myń teńge) – jýrnalıst Álimjan Sabyrjanuly;
ІІІ oryn (50 myń teńge) – jazýshy, ardager jýrnalıst Nesip Júnisbaıuly.
55 jasqa deıingiler sanaty:
І oryn (100 myń teńge) – jýrnalıst Nurdildá Oraz;
ІІ oryn (70 myń teńge) – aqyn, dramatýrg Ularbek Nurǵalym;
ІІІ oryn (50 myń teńge) – «Habar» agenttiginiń jýrnalısi Ahmetáli Saq.
Joldasbek Dýanabaı atyndaǵy arnaıy syılyq Senat depýtaty Nurtóre Júsipke tabystaldy. «Sheber oıynshy» nomınatsııasyn Sharhan Qazyǵul enshilese, Qaınar Oljaı men Serik Janbolat saıystyń úzdik oıynshylary atandy. Sondaı-aq týrnırge qatysqan Erbol Erdenbek pen Ermuhamed Máýlen týrnırdiń surmergeni atandy.
Buǵan deıin habarlaǵanymyzdaı, is-sharany Aiqyn, «Lıter» jáne Turkistan gazetteri qazaq basylymdaryna eleýli eńbek sińirgen belgili jýrnalıst, B.Bulqyshev atyndaǵy syılyqtyń laýreaty, mádenıet qaıratkeri Joldasbek Dýanabaıdyń qurmetine uıymdastyrdy.
