Zııaly qaýym «Arys, biz birgemiz» aktsııasyna ún qosty
«Arystaǵy aýyr jaǵdaı arqamyzdy aıazdaı qarydy. Alashtyń jurtyn, qazaqtyń elin qatty qaıǵyǵa batyrdy. Biz kútpegen nárse edi. Arystyqtardy, túrkistandyqtardy, ońtústik jurtyna sizdermen birgemiz degimiz keledi. Sizderdiń tózimderińiz búgin de synǵa túsip otyr. Kúlli qazaq jurty sizdermen birge! Osy kezde Túrkistan óńiriniń ákimi Ómirzaq Shókeevtiń halqyn bir úlken birlikke shaqyryp, áreket jasaǵany, sýyt habar astanaǵa jetken kezde Prezıdent Qasym-Jomart Toqaevtyń arnaıy ushyp barýy, búkil eldiń jumylyp jatýy - ulttyq qaıǵyny kóterý úshin respýblıkanyń áleýeti jetetinin kórsetedi. Aıqaı eshkimge paıda bermeıdi. Óz qaıǵymyzdy ózimiz jeńýimiz kerek. Qaıǵyny jeńýdiń eń basty kúshi - ishki birlik. Zııaly qaýym shet qalmaıdy. Qolynan kelgenshe Túrkistan jurtshylyǵyna kómegin beredi», - dedi Nurlan Orazalın «Habar» jáne «Qazaqstan» arnasyndaǵy «Arys, biz birgemiz» telemarafonynda.
Eske sala ketsek, Arystaǵy jarylystan zardap shekkenderge kómek qolyn sozý maqsatynda elimizde «Arys, biz birgemiz» aktsııasy ótip jatyr. Aktsııa aıasynda Mádenıet jáne sport mınıstrligi, Eńbek jáne halyqty áleýmettik qorǵaý mınıstrliginiń qyzmetkerleri bir kúndik jalaqysyn aýdarmaq. Osy bastamaǵa depýtattar da qosylǵan.
Aktsııa aıasynda Túrkistan oblysy Arys qalasyndaǵy oqıǵadan zardap shekkenderge járdem berý úshin oblys ákimshiliginiń janynan ashylǵan «Túrkistan» korporatıvtik áleýmettik damý qoryna habarlasýyńyzǵa bolady.
«Túrkistan» korporatıvtik áleýmettik damý qory rekvızıtteri
Túrkistan oblysy
Túrkistan qalasy, Kyzylorda tas joly , 34 A ǵımaraty,
Poshta ındeksi 161200
BSN (BIN) 100440016000
«ForteBank» AQ Túrkistan qalasyndaǵy fılıaly
JSK (IIK) KZ7196528F0007014540
BSK (BIK) IRTYKZKA
Foto:ult.kz
