Zııabek Qabyldınov: Qýǵyn-súrgin qurbandaryn aqtaý jónindegi komıssııadan el úlken úmit kútedi
«Toqsanynshy jyldary Joǵarǵy keńestiń janynan arnaıy komıssııa qurylyp, kóptegen jumys atqaryldy. Degenmen keıbir sanattaǵy azamattar aqtalmaı qalǵan. Sondyqtan memlekettik komıssııanyń búgingi otyrysynda sol jumystyń maqsaty, máseleleri, basqa elderdiń tájirıbesi zerdelenedi. Aıqyndalǵan 10 baǵyt boıynsha kim jumys júrgizedi? Jumys júrgizgende jaı ǵana toptardy anyqtap aqtaımyz ba, álde esimderin anyqtap, olar jóninde baza jasaımyz ba – sol máselelerdi búgin keńinen talqylaımyz. Bizdiń oıymyzsha, búgin kóńil bólinetin negizgi baǵyttar – HH ǵasyrdaǵy baılardy sotsyz qýǵyndalýy. Sol másele búgin qaralady. Odan keıin dinı ókilder de sol zamanda sotsyz jer aýdarylǵan, atylǵan. Sondaı sanattardy 10 topqa bólip, zertteýshi ǵalymdardy belgilep, zerttep-zerdelep, esimderin anyqtap, kelesi jyldyń aıaǵyna deıin Memleket basshysyna usyný maqsat retinde aıqyndalyp otyr», - deıdi Zııabek Qabyldınov.
Onyń aıtýynsha, mundaı jumys Reseıde toqsanynshy jyldary jaqsy júrgizilgen. Keıin jumys toqtap qalǵan. Shyǵys Eýropa elderinde, Polshada, Baltyq jaǵalaýy elderinde, Grýzııa, Ýkraınada jaqsy jumys júrgizilgen. Al 2015 jyly Ýkraınanyń qaýipsizdik komıtetiniń, prokýratýranyń, ishki ister mınıstrliginiń búkil muraǵattary ashylǵan.
«Bolashaqta bizde de osyndaı muraǵattar tolyq ashylsa, zertteý tolyq júrgizilip, qýǵynǵa ushyraǵan azamattardyń bári de aqtalar dep oılaımyz. Osy memlekettik komıssııadan el úlken úmit kútip otyr.
«Óli razy bolmaı, tiri baıymaıdy» degen sóz bar. Respýblıkanyń 100 myńnan astam azamaty qýǵyn-súrgin qurbany boldy desek, osy komıssııa jumysynyń nátıjesi boıynsha ol tizim 10 myń adamǵa deıin uzaryp ketýi múmkin», - dedi ol.
Osy maqsatta professor arnaıy jumys toptary muraǵattarmen qyzý jumys júrgizetinin aıtady. ıAǵnı Úkimet olarǵa tıisti jaǵdaı jasap, qarajat bólip, mamandardy tartyp, jobalyq keńseni ashyp otyr.
Eske sala ketsek bıyl 24 qarashada Memleket basshysy Qasym-Jomart Toqaev «Saıası qýǵyn-súrgin qurbandaryn tolyq aqtaý jónindegi memlekettik komıssııa týraly» Jarlyqqa qol qoıǵan bolatyn. Osyǵan oraı, búgin Nur-Sultan qalasynda Qazaqstan Respýblıkasynyń Memlekettik hatshysy Qyrymbek Kósherbaevtyń tóraǵalyǵymen Saıası qýǵyn-súrgin qurbandaryn tolyq aqtaý jónindegi memlekettik komıssııanyń birinshi otyrysy ótti.
Otyrys barysynda QR Memlekettik hatshysy Qyrymbek Kósherbaev saıası qýǵyn-súrgin qurbandaryn tolyq aqtaý jónindegi memlekettik komıssııanyń maqsaty – ornyqty sheshim qabyldap, tarıhı ádilettilikti qalpyna keltirý jolyndaǵy joǵary kásibılik pen ádildikke qaltqysyz qyzmet etý ekenin eske saldy.
