«Zıta jáne Gıta» fılminde oınaǵan úndilik rekordsmen-aktrısa qaza tapty
ASTANA. QazAqparat - 1200-den astam fılmge túsken Manorama esimimen belgili úndi aktrısasy Gopısanta qaza tapty, dep habarlady Bı-bı-sı.
78 jastaǵy aktrısa Chennaı qalasynda ustamaly júrek aýrýynan kóz jumdy.
60 jyldyq óner jolynda Manorama sonymen qatar 1000-nan astam qoıylymǵa qatysty. Ol úndi kınosynyń ańyzy statýsyna ıe bolyp, oınaǵan rólderdiń sany boıynsha Gınnestiń rekordtar kitabyna endi.
Jurtshylyqqa ol «Zıta jáne Gıta», «Pravda sılnee ljı» jáne «Voda» fılmderi arqyly keńinen tanymal boldy.
