Zıratqa qoıylǵan gúlderdi jymqyryp, qaıta satatyn ury ustaldy
ASTANA. QazAqparat - Petropavl qalasynyń polıtsııa bóliminiń qyzmetkerleri zırattarǵa qoıylǵan gúlderdi jymqyrǵan 37 jastaǵy uryny qolǵa túsirdi, dep habarlaıdy QazAqparat Soltústik Qazaqstan oblysy ІІD baspasóz qyzmetine silteme jasap.
«Óz aýmaǵyn tekserip júrgen kúzetshi zırat mańynda beımezgil ýaqytta VAZ-2109 avtokóligin kórip, tártip saqshylaryn shaqyrǵan. Bul dabyldy tártip saqshylary burynnan kútken edi. Sebebi, gúldestelerdiń (venok) joǵalatyny týraly aryzdar jazdan beri túsip kelgen. Gúldesteleri qaıta saýdaǵa shyǵarylatyny týraly nusqa bar edi. Kúdikti ustalǵan ýaqytta «bári qoqysta jatty, men urlaǵan joqpyn» degen ýáj aıtty. Alaıda kóliktegi jańa gúldestelerdiń nelikten jınalǵanyn túsindirip bere almady», - dep habarlaıdy vedomstvodan.
Kúdiktiniń «bıznesiniń» mán-jaıyn tártip saqshylary anyqtap jatyr. Qazirgi ýaqytta atalǵan fakt boıynsha QR QK-niń 188-baby 1-bóligi boıynsha (urlyq) qylmystyq is qozǵalǵan. Kúdiktiniń kinási dáleldense, ol 3 jylǵa deıin bas bostandyǵynan aıyrylýy múmkin.
