Zınedın Zıdannyń uly alǵash ret ákesiniń komandasynda alańǵa shyqty - VIDEO
ASTANA. QazAqparat - Áıgili frantsýz fýtbolshysy Zınedın Zıdannyń uly Entso Ispanııa birinshiliginiń qosalqy komandasy «Real Madrıd Kastılıa» klýby sapynda alǵash ret alańǵy shyqty. Entso jasyl alańǵa Fernandes degen atpen anasynyń famılııasynda óner kórsetti, dep jazady massaget.kz.
19 jastaǵy oıynshy alǵash ret negizgi quramǵa iligip, «Konkense» klýbyna qarsy oıynda 88 mınýtta alańǵa shyqty. Bul oıynda «Real Madrıd Kastılıa» klýby 2:1 esebimen basym túsip, osymen qatarynan jetinshi kezdesýde jeńis toıyn toılady. Búginde «Real Madrıd Kastılıa» komandasy Ispanııanyń úshinshi dıvızıonynda altynshy orynda keledi.
Entso «Realdyń» jastar akademııasynda 2004 jyldan beri jattyǵyp keledi. 2011 jyly «Realdyń» bas bapkeri Joze Moýrınıý ony negizgi komanda da jattyǵýǵa shaqyrǵan bolatyn. Aǵymdaǵy jyldyń aqpan aıynda 19 jastaǵy jartylaı qorǵaýshy Frantsııa jasóspirimder quramasy sapynda óner kórsetip úlgerdi.
Búginde «Real Madrıd Kastılıa» komandasynyń tizgini áıgili fýtbolshy Zınedın Zıdannyń qolynda. Zıdan qazan aıynyń aıaǵynda úsh aılyq jazaǵa tartylyp, bapkerlikten shettetilgen bolatyn. Jazanyń sebebi, Zıdannyń bapkerlik lıtsenzııasynyń durys bolmaýynda eken.
Zınedın Zıdannyń uly Entso Fernandestiń oıyny:
