Zınedın Zıdan jazda Qazaqstanǵa kelmek
ASTANA. QazAqparat - Frantsýzdyq tanymal fýtbolshy Zınedın Zıdan almatylyq «Qaırattyń» 60 jyldyǵyna kelýi múmkin.
Atap aıtqanda, almatylyq komandanyń 60 jyldyǵyna arnalǵan bul shara maýsym aıynda uıymdastyrylmaq. Mereıtoıdyń naqty kúni keıinirek qosymsha habarlanatyn bolady. Bul sharaǵa klýb basshylyǵy qazaqstandyq fýtbol ardagerlerin, shoý-bıznes ókilderin, tanymal álemdik juldyzdardy shaqyrmaq. Osy meımandardyń arasynda Zıdan men onyń otandasy ári Frantsııa quramasy boıynsha seriktesi Faben Bartezdiń esimi de bar, dep jazady Vesti.kz.
Aıta keteıik, 1998 jylǵy álem chempıony jáne 2000 jyly Eýropa chempıony atanǵan Zınedın Zıdan óziniń mansabyn 2006 jyly aıaqtady. 2011 jyldyń mamyrynan 2012 jylǵa deıin madrıdtik «Realdyń» sporttyq dırektory qyzmetin atqardy. 2013 jyldyń jazynan bastap «koroldik» klýbtyń bas bapkeri Karlo Anchelottıdiń assıstenti bolyp taǵaıyndaldy.
