Zınedın Zıdan «Realdaǵy» bapkerlik qyzmetinen shettetildi
ASTANA. QazAqparat - Fýtboldan 1998 jylǵy álem chempıony Zınedın Zıdan Madrıdtiń «Real» jastar komandasyndaǵy baperlik jumysynan shettetildi, dep habarlady Lenta.ru.
Maman úsh aı kóleminde jumys isteı almaıdy. Oǵan Zıdanda qajetti deńgeı lıtsenzııasynyń bolmaýy sebep bolǵan. Sol úshin Ispanııa jattyqtyrýshylarynyń ulttyq qaýymdastyǵy shaǵym túsirgen.
Madrıdtikterdiń ókilderi formaldy túrde «Kastalıany» Santıago Sanches jattyqtyratynyn, al Zıdan onyń assıstenti ornynda ekenin aıtqan bolatyn. Alaıda ekeýi de óz qyzmetterinen úsh aıǵa shettetildi. On kún ishinde «Real» bul sheshimge appelıatsııalyq shaǵym jasaı alady.
Zıdan «Realdyń» jastar komandasynyń tizginen 2014 jyldyń maýsymynda alǵan edi.
