Zınedın Zıdan Frantsııa ulttyq fýtbol quramasynyń bas bapkeri bolyp taǵaıyndaldy
ASTANA. KAZINFORM — Frantsııa fýtbolynyń ańyzy, 1998 jylǵy álem chempıony Zınedın Zıdan resmı túrde Frantsııa ulttyq quramasynyń bas bapkeri bolyp tanystyryldy. Ol bul qyzmette 2026 jylǵy álem chempıonatynan keıin otstavkaǵa ketken Dıde Deshamnyń ornyn basty. Desham ulttyq quramany 14 jyl boıy jattyqtyryp, komandamen 187 match ótkizdi. Bul týraly BILD basylymyna silteme jasap habarlady.
— Men frantsýz fýtbolyn bala kezimnen jaqsy bilemin. Meniń jalǵyz maqsatym — osy quramamen jumys istep, onyń jańa jetistikterge jetýine úles qosý. Bul — bapkerlik mansabymdaǵy eń baqytty kún. Syrt kózge sabyrly kórinýim múmkin, biraq ishimde tolqynys pen qýanysh kernep tur, — dedi Zıdan.
Jańa bas bapker óz qyzmetine 1 qyrkúıekten bastap resmı túrde kirisedi. Onymen jasalǵan kelisimshart 2030 jylǵa deıin eseptelgen jáne komandany álem chempıonaty men Eýropa chempıonatyna daıyndaýdy qamtıdy.
Málimetke sáıkes, Frantsııa fýtbol federatsııasy Zıdanmen alǵashqy kelissózderdi 2025 jyldyń aqpanynda bastaǵan. Al ótken jyldyń qarashasynda taraptar aýyzsha kelisimge kelgen. Álemniń jetekshi klýbtarynan, onyń ishinde «Realdan» usynystar túskenine qaramastan, Zıdan úshin Frantsııa quramasyn jattyqtyrý árdaıym basty maqsat bolyp kelgen.
Eske salaıyq, 2026 jylǵy fýtboldan álem chempıonatynyń úshinshi oryn úshin ótken matchynda Anglııa quramasy Frantsııany jeńgen bolatyn.
