Zınedın Zıdan Frantsııa quramasynyń jattyqtyrýshysy bolýy múmkin
NUR-SULTAN. QazAqparat – Ispanııalyq «Real» komandasynyń bas bapkeri Zınedın Zıdan Frantsııanyń fýtbol quramasyn jattyqtyrýy múmkin. Bul týraly QazAqparat L'Equipe basylymyna silteme jasaı otyryp habarlaıdy.
Qazirgi bapker Dıde Deshamnyń ulttyq quramamen kelisimsharty 2022 jyly aıaqtalady. Eger ol kelisimdi jańartýdan bas tartsa, Frantsııa fýtbol federatsııasy (FFF) Zıdanǵa óz pozıtsııasyn usyna alady.
«Deshamnyń murageri kim? Bizdiń Zıdanmen qarym-qatynasymyz óte jaqsy. Eger Dıde ulttyq quramanyń jattyqtyrýdan bas tartsa, men áli de qyzmetimde júrsem, onda álbette bul laýazymda birinshi kórgim keletin adam Zıdan bolar edi», - dedi FFF basshysy Noelle le Gre.
Zıdan 48 jasta. 2019 jyly ol «Real Madrıdtiń» jattyqtyrýshysy bolyp taǵaıyndaldy. Zıdannyń ıspanııalyq klýbpen kelisimsharty 2022 jyldyń 30 maýsymyna deıin jasalǵan. Ol buǵan deıin Madrıd klýbyn 2016 jyldan 2018 jylǵa deıin jattyqtyrǵan. Onyń basshylyǵymen Real Madrıd Chempıondar lıgasyn úsh ret jeńip aldy. Eki ret Ispanııa chempıony atandy. 2017 jyldyń sońynda Halyqaralyq fýtbol federatsııasy (FIFA) men bedeldi frantsýz jýrnaly France Football Zıdandy úzdik jattyqtyrýshy dep tanydy.
Oıynshy retinde Zıdan Chempıondar lıgasynyń jeńimpazy boldy. Real quramynda Ispanııa chempıony atandy. 1998 jyly «Altyn dopty» ıelendi. Zıdanmen birge Frantsııa Álem (1998) jáne Eýropa (2000) chempıony atandy.
