Zınedın Zıdan bolashaqta qaı klýbqa barýǵa nıetti ekenin aıtty
ASTANA. INFORMSPORTS - Frantsııa quramasynyń bas bapkeri Zınedın Zıdan bolashaqta «ıÝventýsqa» bapkerlik qyzmetke kelýi jaıly aıtty.
Bul jóninde ol RMC Sport basylymyna bergen suhbatynda málim etti.
-Marchello Lıppı maǵan árdaıym alǵa jyljý qajet ekendigin úıretti. Týrınge kelgende men asa jaqsy oınaǵan joqpyn. Sondyqtan baspasóz ben jankúıerler meni deńgeıge saı emes degen pikirin bildirdi. Lıppı qalaı oınaýym kerek ekendigin aıtty, men jaqsy ustanym tanyttym. «ıÝventýstyń» bapkeri bolý... Nege bolashaqta bolmasqa, – dedi Zınedın Zıdan.
Burynǵy jartylaı qorǵaýshy, qazirgi tanymal bapker Týrın klýbynyń namysyn 1996-2001 jyldar aralyǵynda qorǵaǵan.
Bıyl 54 jasqa kelgen Zınedın Zıdan Frantsııa quramasy tizginin jazda qolǵa aldy. Onyń eńbek kelisimi 2030 jyldyń jazyna deıin eseptelgen.
Ol «Realdy» eki kezeńde (2016–2018 jáne 2019–2021 jyldary) basqaryp, klýbpen birge 11 iri júlde jeńip aldy. Onyń ishinde ÝEFA Chempıondar lıgasynyń úsh márte chempıony, Ispanııa chempıony, klýbtar arasyndaǵy álem chempıonatynyń jáne ÝEFA Sýperkýbogynyń birneshe dúrkin jeńimpazy atandy.
Aıta keteıik, Zınedın Zıdan Frantsııa quramasymen 1998 jylǵy álem chempıonatyn, 2000 jylǵy Eýropa chempıonatyn jeńip aldy. 1998 jyly «Altyn dop» ıegeri boldy.
