Zına Aqylbekova Ulytaý oblysy ákiminiń orynbasary bolyp taǵaıyndaldy

ASTANA. KAZINFORM – Zına Jumanazarqyzy Aqylbekova Ulytaý oblysynyń koǵamdyq damý, medenıet, dene shynyqtyrý jene sport, bilim, din jáne jastar isi máselelerine jetekshilik jasaıtyn bolady, dep habarlaıdy Kazinform tilshisi.

Zına Aqylbekova 1965 jyly 17 mamyrda dúnıege kelgen. 1987 jyly Jezqazǵan pedagogıkalyq ınstıtýtyn, 2007 jyly Qazaqstan-Reseı ýnıversıtetin aıaqtaǵan.

Eńbek joly:

1988-1995 Pıonerler aktıvi mektebiniń basshysy,

1995-2004 Atalǵan orynda ádistemelik jumys boıynsha dırektordyń orynbasary,

2004-2007 Jezqazǵan q., №11 orta mektebiniń oqý isiniń meńgerýshisi,

2007-2007 Indýstrıaldyq ınnovatsııalyq damý, ınformatsııalyq tehnologııalardy engizý jáne saraptaý jumysy bóliminiń bas mamanynyń mindetin atqarýshy,

2007-2008 Indýstrıaldyq ınnovatsııalyq damý, ınformatsııalyq tehnologııalardy engizý jáne saraptaý jumysy bóliminiń bas mamany,

2008-2011 «Jezqazǵan qalasy ishki saıasat bólimi» MM-niń basshysy,

2011-2011 «Jezqazǵan qalasynyń bilim, dene shynyqtyrý jáne sport bólimi» MM basshysynyń mindetin atqarýshy,

2011-2015 «Jezqazǵan qalasynyń bilim, dene shynyqtyrý jáne sport bólimi» MM basshysy,

2015-2015 Jezqazǵan qalasy ákimi orynbasarynyń mindetin atqarýshy,

2015-2022 Jezqazǵan qalasy ákiminiń orynbasary,

2022-2023 Ulytaý oblysy jumyspen qamtýdy úılestirý jáne áleýmettik baǵdarlamalar basqarmasynyń basshysy,

2023 jyldan osy taǵaıyndaýǵa deıin Ulytaý oblystyq maslıhatynyń turaqty negizde jumys isteıtin halyqty áleýmettik qorǵaý, densaýlyq saqtaý, bilim berý, mádenıet, sport jáne jastar isi jónindegi turaqty komıssııasynyń tóraǵasy bolyp qyzmet atqarǵan.

Osyǵan deıin Elimizde apta ishinde bolǵan kadrlyq taǵaıyndaýlar týraly jazdyq.