Zymyran shabýylynan Ár-Rııadtyń eń záýlim ǵımarattarynyń biri búlindi
ASTANA. KAZINFORM — Iemenniń «Ansar Allah» qozǵalysymen qaqtyǵys kúsheıgen tusta Saýd Arabııasynyń astanasynda taǵy da shabýyl tirkeldi, dep habarlaıdy Kazinform agenttiginiń Taıaý Shyǵystaǵy menshikti tilshisi.
19 qarashada Ár-Rııadqa jasalǵan hýsıtterdiń zymyran shabýyly Saýd Arabııasynyń Memlekettik ınvestıtsııalyq qorynyń shtab-páteri ornalasqan PIF Tower munarasyna zaqym keltirgen kórinedi. Bul týraly derekkózderge silteme jasaı otyryp Reuters habarlady.
Ǵımarattyń jeti-segiz qabatyndaǵy terezeler jarylyp, metall qasbetiniń elementteri zaqymdalǵany habarlandy.
قالت ثلاثة مصادر مطلعة على الأمر لرويترز إن برج صندوق الاستثمارات العامة السعودي تعرض لأضرار جراء غارة جوية استهدفت الحي المالي في الرياض https://t.co/Wn0iOFNHBr
— Reuters | رويترز العربية (@araReuters) November 19, 2026
Agenttiktiń málimetinshe, qýatty jarylystan keıin bılik záýlim ǵımarat ornalasqan Korol Abdalla atyndaǵy qarjy aýdanyna kiretin joldardy jaýyp, adamdardy evakýatsııalaı bastady. Oqıǵa ornyna órt sóndirýshiler men jedel járdem kólikteri keldi. Ázirge zardap shekkender týraly aqparat túsken joq.
Saýd Arabııasy bastaǵan áskerı koalıtsııanyń ókili Túrkı ál-Malıkı áýe qorǵanys kúshteri Ár-Rııadqa jasalǵan hýsıtterdiń zymyran shabýylyna jaýap qaıtarǵanyn málimdedi.
— Aldyn ala baǵalaýlar qırandylardyń qulaýy men materıaldyq zalaldy kórsetedi, onyń kólemi qazirgi ýaqytta anyqtalý ústinde, — dedi ol.
التحالف: - تعاملنا مع تهديد صاروخي أطلقته الميليشيا الحوثية الإرهابية باتجاه الرياض. - تقييم أولي بسقوط شظايا وأضرار مادية يجري حصرها. https://t.co/xyPGMjeX9y
— المتحدث الرسمي باسم قوات التحالف (@CJFCSpox) November 19, 2026
Degenmen, Iemen hýsıtteriniń «Ansar Allah» qozǵalysy áli kúnge deıin záýlim ǵımaratqa jasalǵan soqqyǵa qatysty resmı málimdeme jasaǵan joq.
80 qabatty, 385 metrlik PIF Tower Ár-Rııadtyń qarjy aýdanyndaǵy eń bıik ǵımarat bolyp tabylady. Onda álemdegi eń iri egemendi baılyq qorlarynyń biri, aktıvteri 900 mıllıard dollardan (400 trıllıon teńge) asatyn Saýd Arabııasynyń memlekettik ınvestıtsııalyq qory (PIF) ornalasqan.
⭕️ Confirmed: The PIF Tower (Public Investment Fund) in Riyadh's Financial district was damaged, according to Reuters and local sources. https://t.co/ib2bqrGFfo
— MenchOsint (@MenchOsint) November 19, 2026
Qor koroldiktiń el ekonomıkasyn ártaraptandyrýǵa jáne onyń munaı kiristerine táýeldiligin azaıtýǵa baǵyttalǵan 2030 jylǵa deıingi ekonomıkalyq baǵdarlamasyn iske asyrýda mańyzdy ról atqarady. Bul Saýd Arabııasy astanasynyń qarjy aýdanyndaǵy iri nysanǵa eki aptadan az ýaqyt ishinde jasalǵan ekinshi shabýyl. Buǵan deıin, 8 qarashada hýsıtterdiń shabýyly Saudi Aramco memlekettik munaı kompanııasynyń ákimshilik ǵımaratyna zııan keltirgen bolatyn.
Sodan keıin Saýd Arabııasy Iemendegi hýsıtterdiń zymyran zaýyttaryna soqqy jasady.