Zımbabveniń eks-prezıdenti aı saıyn $150 myń alatyn boldy
ASTANA. QazAqparat - Robert Mýgabeniń Zımbabve prezıdenti laýazymynan ketýine baılanysty jasalǵan kelisim boıynsha oǵan 10 mıllıon dollar tóleý qarastyrylyp otyr.
Bul somanyń jartysy birden beriledi. Budan keıin ol ómir boıy aı saıyn 150 myń dollardan alyp otyratyn bolady. Bul týraly senbi kúni The Guardian gazeti osy eldiń bılik basyndaǵy partııasyndaǵy derekkózge silteme jasap habarlady.
Basylymnyń jazýynsha, eks-prezıdent qaıtys bolǵan jaǵdaıda oǵan erine taǵaıyndalǵan somanyń jartysy tólenetin bolady.
Eske sala ketsek, eldi sońǵy 37 jyl boıy basqarǵan Robert Mýgabe 21 qarashada otstavkaǵa ketkenin jarııalaǵan bolatyn.
