Zımbabveniń burynǵy prezıdenti Robert Mýgabe qaıtys boldy
HARARE. QazAqparat – Zımbabve Respýblıkasynyń burynǵy prezıdenti Robert Mýgabe 95 jasynda qaıtys boldy, dep habarlaıdy QazAqparat ZimLive-ke silteme jasap.
Mýgabe Sıngapýrda otbasynyń ortasynda, sonyń ishinde jubaıy Greıstiń qasynda aýrýhanada kóz jumdy.
«Ókinishke oraı, biz odan aıyrylyp qaldyq. Biz bul kún eshqashan kelmeıtin bolar dep úmittendik. Ol jaqsy ómir súrdi», - dedi Mýgabe bıligi kezindegi burynǵy mınıstri. Ol aty-jónin jarııalamaýdy jón kórdi.
Robert Mýgabe 2017 jyldyń qarashasynda eldi 37 jyl bılegennen keıin áskerı tóńkeris nátıjesinde bılikten shettetildi. Ol Sıngapýrda sáýiri aıynan bastap emdelip jatqan.
Zımbabve prezıdenti Emmerson Mnangagva 2 apta buryn úkimet otyrysynda dárigerlerdiń onyń ómirin jasandy jolmen uzartyp otyrýdan bas tartqanyn málim etti.
R. Mýgabe 1980 jyly eldiń premer-mınıstri bolyp, Zımbabve bıligine kelgen edi. 7 jyl ótkennen keıin ol premer-mınıstr laýazymyn qysqartyp, ózin eldiń prezıdenti etip taǵaıyndady.
