Zımbabveniń 92 jasar prezıdenti taǵy da saılaýǵa túskeli jatyr
ASTANA. QazAqparat - Zımbabveniń bılik partııasy ZANÝ-PF ózderiniń 92 jastaǵy is basyndaǵy prezıdenti Roberta Mýgabeni jańa saılaýǵa usynbaqshy. Bul týraly senbi kúni Associated Press habarlady.
Memleket basshysynyń saılaýy 2018 jyly ótedi.
Partııanyń atqarýshy hatshysy Ignatıýs Chombo is basyndaǵy prezıdent Mýgabeni «kóregendik pen birliktiń» úlgisi bolǵandyǵyn aıtty. Onyń kandıdatýrasy osy aptada qaralatyn bolady.
Mýgabe memleketti 1980 jyldan beri basqaryp keledi. Zımbabvede sońǵy ret prezıdenttik saılaý 2013 jyly ótti. Oppozıtsııa ókilderi daýys berý barysynda zańsyzdyqtar bolǵandyǵyn aıtqanymen Mýgabe saılaýda jeńiske jetti.
Memleket basshysy bolsa o dúnıelik bolǵansha el basqarýǵa daıyn ekendigin birneshe márte málimdegen bolatyn. Bul rette ol eger partııa tıisti sheshim qabyldaıtyn bolsa otstavkaǵa ketetinin de eskertken.
Zımbabve álemdegi óte kedeı memleketterdiń biri. Bul eldiń ekonomıkasy óte qıyn jaǵdaıda. Buǵan qosa olar gıperınflıatsııamen betpe-bet kelip, el bıýdjetiniń úlken defıtsıtine tap boldy. Mýgabeni dıktatorlyǵy ári oppozıtsııaǵa qysym kórsetkeni úshin aıyptaıdy, dep jazady, lenta.ru.
