Zımbabvedegi keme apatynan qaza tapqan adamdar sany 92-ge jetti
ASTANA. KAZINFORM – Zımbabvedegi jasandy Karıba kólinde 11 tamyzda keme aýdarylyp, qaza tapqandar sany 92-ge jetti. Bul týraly jergilikti polıtsııa habarlady, dep jazdy Sınhýa agenttigi.
Polıtsııanyń resmı ókili Pol Nıatıdiń málimdeýinshe, qaza tapqandardy izdeý jáne olardyń denesin sýdan shyǵarý operatsııasyna eki úlken qaıyq, eki shaǵyn keme jáne polıtsııanyń súńgýirler bólimshesiniń 40 qyzmetkeri jumyldyrylǵan.
Buǵan deıin tabylǵan keıbir marqumdardyń denesi jerleý úshin otbasylaryna berildi. Olar Karıba kóli mańynda jáne basqa óńirlerde jerlenedi.
Keme Karıba qalasynan Chalala balyqshylar lagerine baǵyt alǵan kezde apatqa ushyraǵan.
Bıliktiń málimetine súıensek, apat kezinde barlyǵy 77 adam qutqarylǵan.
Aıta keteıik, buǵan deıin habarlaǵanymyzdaı Zımbabvedegi osy parom apatynan alǵashynda 72 adam kóz jumǵany belgili bolǵan.
