Zımbabvede jańa prezıdent: Osy aptada ant qabyldanady
ASTANA. QazAqparat - Zımbabveniń burynǵy birinshi vıtse-prezıdenti Emmerson Mnangagva eldiń jańa prezıdenti bolady. Ol 23 nemese 24 qarashada ant qabyldaıdy dep josparlanýda.
ZANU-PF partııasynyń ókili Lavmor Matýkeniń aıtýynsha, jańa prezıdent 21 qarashada otstavkaǵa ketkenin málimdegen Robert Mýgabeniń ýákilettiginiń merzimi aıaqtalǵanǵa deıin bılik basynda bolady, dep habarlaıdy Reuters. Ol merzim 2018 jyldyń tamyzynda aıaqtalady. Sodan keıin Zımbabvede prezıdent saılaýy ótedi.
Eske sala ketsek, Zımbabve armııasy 15 qarashada Mýgabeni otbasymen birge úıqamaqqa alǵan. Sonymen qatar áskerıler el astanasy - Hararedegi teleortalyqty basyp alyp, prezıdenttiń qaýipsiz jaǵdaıda ekenin, olardyń maqsaty - sybaılas jemqorlyqqa qarsy kúres ekenin málimdegen bolatyn.
