Zımbabvede surapyl daýyldan keıin tótenshe jaǵdaı jarııalandy
ASTANA. KAZINFORM — Zımbabve prezıdenti Emmerson Mnangagva myńdaǵan úılerdi, mektepter men aýrýhanalardy qıratqan surapyl daýyldan keıin elde tótenshe jaǵdaı jarııalady, dep habarlaıdy Kazinform TASS-qa silteme jasap.
Bul týraly ZBC telearnasy habarlaǵan.
Apattyń epıtsentri Masvıngo provıntsııasynyń astanasy Masvıngo qalasy boldy. Onda kúshti jel, nóser jáne iri burshaq kóptegen úılerdi, mektepter men aýrýhanalardy jáne basqa da ǵımarattardy qıratty.
Zımbabveniń jergilikti ózin-ózi basqarý jáne qoǵamdyq jumystar mınıstri Denıel Garve «aldyn ala málimetterge súıene otyryp, qutqarýshylar teksergen 17 000 úıdiń 90%-y zaqymdalǵanyn» málimdedi. Uly Zımbabve ýnıversıteti, Masvıngo polıtehnıka ınstıtýty jáne Masvıngo pedagogıka kolledji jabylyp, Masvıngo qalasyndaǵy kásiporyndardyń jumysy toqtaǵan.
Bılik zardap shekkenderge qajetti kómek kórsetip jatyr.
Eske sala keteıik, Zımbabvede keme apatqa ushyrap, 90-nan astam adam opat bolǵan edi.
