Zımbabvede daýys berýshilerdiń kóptiginen saılaý bir kúnge uzartyldy

ASTANA. QazAqparat – Zımbabvede daýys berýge kelýshiler leginiń joǵary bolýyna baılanysty saılaý taǵy bir kúnge uzartyldy, dep habarlaıdy QazAqparat Euronews-ke silteme jasap.

Zımbabvede daýys berýshilerdiń árqaısysynyń tańdaýyn eskerý úshin saılaý bir kúnge uzartyldy. Bılik málimetinshe, saılaýǵa munsha kóp halyq keletini kútilmegen.

Saılaýǵa (Zımbabvede birden prezıdentke, parlamentke jáne mýnıtsıpalıtetterge daýys beredi) 11 kandıdat túsip jatyr. Biraq naqty kúres 2018 jylǵy saılaýdaǵydaı qazirgi prezıdent Emmerson Mnangagva men oppozıtsııalyq «Azamattyq ózgerister koalıtsııasynan» Nelson Chamıza arasynda júrip jatyr. Eger birinshi týr jeńimpazdy anyqtamasa, qazan aıynda elde ekinshi kezeń ótedi.