Zımbabve prezıdenti ornynan resmı túrde alynbaq- BAQ
ASTANA. QazAqparat - Robert Mýgabe Zımbabveniń prezıdenti qyzmetinen resmı túrde alynbaq, dep jazady Independent.
«Zımbabveniń ulttyq afırıkalyq odaǵy - patrıottyq fronty» ońshyl partııasy elde arnaıy komıssııa otyrysyn ótkizip, onda qazirgi el prezıdenti Roberta Mýgabeni qyzmetinen alyp tastaý máselesin qaramaq.
Sondaı-aq partııa ókilderi Zımbabveniń birinshi hanymy Greıs Mýgabe jaqtastaryn hatshylyqtan alyp, onyń ornyna az ýaqyt buryn otstavkaǵa ketken vıtse-prezıdent Emmerson Mnangagvty alyp kelmek nıetterin aıtty.
Basylymnyń aıtýyna qaraǵanda, otyrys jeksenbi kúni jergilikti ýaqytpen tańǵy 10-da ótedi.
Eske sala keteıik, Zımbabveniń áskerıleri eldi 1980 jyldan beri basqaryp kele jatqan respýblıka prezıdentin qamaýǵa alǵan bolatyn .
