Zımbabve prezıdenti Afrıka elderi BUU-dan shyǵatynyn aıtyp, ses kórsetti
ASTANA. QazAqparat - Prezıdent Zımbabve Robert Mýgabe afrıkalyq elder, eger Qaýipsizdik Keńesi jedel túrde reformalanbasa, BUU quramynan shyǵatynyn málimdedi.
Mýgabe Qaýipsizdik Keńesinde afrıkalyq qurlyq elderi ókildiginiń keńeıýin kútedi. «Olaı bolmaǵan jaǵdaıda, taǵy bir uıym qurylady», - dedi ol.
Mýgabe afrıkalyq memlekettermen birge jańa uıymǵa kiretin elderdi atady. Bul Reseı, Qytaı jáne Úndistan, sondaı-aq QK-de Batys saıasatymen kelispeıtin basqa da elder.
«QK-niń barlyq turaqty músheleri qatań ustanymda emes. Bul Ulybrıtanııa, Frantsııa, Amerıka. Eger olar talaptarynan qaıtpasa, onda biz jeke uıym qurǵan kezde shaǵymdanbasyn. Biz muny BUU kezekti Bas assambleıasynda kelesi qyrkúıekte júzege asyrýǵa nıettimiz», - degen prezıdenttiń sózin keltirdi TASS.
Mýgabe Bas assambleıadan keıin eger olardyń talaptary iske aspasa, afrıkalyq elderdiń kóshbasshylary BUU-dan shyǵý múmkindigin talqylaǵanyn atap ótti.
