Zımbabve Qytaıdan alǵan qaryzyn pil berip óteýde
ASTANA. QazAqparat - Zımbabvede tańqalarlyq oqıǵa oryn aldy. Jasy kelgen prezıdent Robert Mýgabeniń bedeldi áıeli Greıs Mýgabe Qytaıdan alǵan eski qaryzdy 35 jas pil, 8 arystan, 12 qorqaý men bir kerik berip óteýdi oılap tapty.
Bul qaryz 1998 jyly Zımbabve bıligi Qytaıdan qarý-jaraq satyp alyp, óz áskerlerin Kongo Demokratııalyq Respýblıkasynyń (KDR) prezıdenti Loran-Dezır Kabılaǵa kómek kórsetý maqsatynda paıda bolǵan edi, dep jazady epochtimes.ru.
Zımbabve bıliginiń jabaıy tabıǵat janýarlaryn taýar retinde paıdalanǵandarynda turǵan eshteńe joq. Bul osylaı jasap jatqan jalǵyz el emes. Kóptegen ońtústikafrıkalyq memleketter jabaıy janýarlardy sheteldik haıýanattar baǵyna nemese safarı-baqtarǵa satýda.
