Zilzaladan zardap shekken 1,6 mln Túrkııa azamaty ýaqytsha baspanalarǵa ornalasty - Elshi

ASTANA. QazAqparat – Zilzaladan zardap shekken 1 mln 684 myń azamatymyzdyń baspana máselesi sheshildi. Elshilikte ótken brıfıngide Túrkııa Respýblıkasynyń Qazaqstandaǵy Tótenshe jáne ókiletti elshisi Ýfýk Ekıdjı osylaı málimdedi, dep habarlaıdy QazAqparat tilshisi.

«Qazirgi kezde 1 mln 684 myń azamatymyzdyń baspana máselesi sheshildi. Bul adamdar úshin shatyrlarda, konteınerlerde, jataqhanalarda jáne qonaq úılerde oryndar bólindi. Kún saıyn shatyrlar tigilip, konteınerler ornalastyrylyp jatyr. Shatyrly qalashyqtar 270 jerde ornatyldy. Tótenshe jaǵdaı isteri boıynsha agenttigi 1 809 shatyr, Ulttyq qorǵanys mınıstrligi 59 myń shatyr ornatty. «Qyzyl jarty aı» jáne basqa da mekemeler ornatqan shatyrlarmen birge olardyń sany 400 myńǵa jetti dep aıta almyz», - dedi Ýfýk Ekıdjı.

Elshi brıfıng barysynda zardap shekkenderge kómek retinde qazaqstandyqtar 5 mln dollar jınaǵanyn aıtyp, alǵys bildirdi.

Sonymen qosa, búginge deıin jer silkinisinen qıraǵan jáne qulaý aldynda turǵan 156 myń ǵımarat anyqtalǵanyn málim etti.

Eske salaıyq, 6 aqpanda Kahramanmarashta magnıtýdasy 7 baldan asatyn eki jer silkinisi boldy. Jerasty dúmpýleri eldiń 10 provıntsııasynda, sondaı-aq kórshiles memleketterde, sonyń ishinde Sırııada da sezildi.