Ziltemirshilerge jeke sport kesheni salynady - MSM

ASTANA. QazAqparat - Aýyr atletterge jeke sport ortalyǵyn ashý josparlandy. Bul týraly búgin Ortalyq kommýnıkatsııalar qyzmetinde ótken brıfıngte Mádenıet jáne sport mınıstrligi Sport jáne dene shynyqtyrý komıtetiniń tóraǵasy Elsııar Qanaǵatov málim etti.

«Shynynda da bizdiń aýyr atletter el mereıin ústem etip júr. Ózderine jaqsy, yńǵaıly sport kesheni qajettigin dáleldedi. Biz ony jasap berýge mindettimiz. Qazirgi tańda daıyndalyp júrgen jerleri bar. Biraq olardyń jattyǵýyna qajetti ortalyq salý josparda tur. Konfederatsııa jáne federatsııamen birge qazir bul máseleni sheshý jolynda», - dedi ol.

Onyń aıtýynsha, aýyr atletterge memleket tarapynan meılinshe barlyq jaǵdaı jasalǵan. «Bulardyń qarajat jaǵynan, ózge de salalar boıynsha problema joq. Biraq aýyr atletter ortalyǵy qajet», - dep túıdi sózin vıtse-mınıstr.