Ziltemirshi qyzdar London Oıyndaryna hıdjabpen qatysady
ASTANA. 24 mamyr. QazAqparat - Birikken arab ámirliginiń ziltemirshi qyzdaryna Londondaǵy HHH jazǵy Olımpıada oıyndaryna hıdjabpen qatysýǵa ruqsat etildi.
Halyqaralyq aýyr atletıka federatsııasy (IWF) musylman qyzdardyń talap-tilekterin eskerip osyndaı sheshim shyǵardy.
BAÁ-niń aýyr atletıka federatsııasynyń prezıdenti sheıh Sultan bın Mınjırın: «Mundaı sheshim búkil ıslam elderiniń sportshy qyzdaryna oń áser tıgizetini anyq. Endi, budan bylaı musylmandardy dinı kózqarasyna baılanysty alalaýshylyq bolmaıdy dep senemin»,- dep atap kórsetti.
