Zıka vırýsynyń jynystyq jolmen berilýiniń alǵashqy oqıǵasy Germanııada tirkeldi
ASTANA. QazAqparat - Zıka vırýsynyń jynystyq jolmen berilýiniń alǵashqy oqıǵasy Germanııa aýmaǵynda tirkeldi, dep habarlady TASS.
Bul týraly Robert Koh atyndaǵy Vırýsologııa ǵylymı-zertteý ınstıtýty habarlady.
Vırýsti nemis juby juqtyrǵan. Er adam sáýirde Pýerto-Rıkoda bolǵan kezinde juqtyrǵan. Germanııaǵa oralǵannan keıin jynystyń jolmen kóńildes áıeline juqtyrǵan. Instıtýttyń atap ótýinshe, mundaı oqıǵalar basqa da eýropalyq elderde baıqalǵan.
Aldymen vırýsty Aedes aegypti masasy taratady. 1 aqpanda Dúnıejúzilik densaýlyq saqtaý uıymy Ońtústik jáne Soltústik Amerıka elderindegi Zıka bezgegi indetin halyqaralyq densaýlyq saqtaý úshin tótenshe jaǵdaı dep tanydy. Aýrýdyń klınıkalyq belgilerine temperatýranyń kótirilýi, qaltyraý, bas aýrýy, bulshyq etter men býyndardyń aýrýy jatady.
