Zıka vırýsyna baılanysty qazaqstandyqtarǵa 27 elge barmaýǵa keńes beriledi
ASTANA. QazAqparat - Ońtústik Amerıka elderinde Zıka bezgeginiń taralýyna baılanysty qazaqstandyqtarǵa atalǵan memleketterge barmaýǵa keńes beriledi, dep habarlady Tutynýshylar quqyǵyn qorǵaý komıtetinen.
QR Ulttyq ekonomıka mınıstrligi Tutynýshylar quqyǵyn qorǵaý komıtetiniń habarlaýynsha, Dúnıejúzilik densaýlyq saqtaý uıymynyń resmı aqparatyna sáıkes 2015 jyldyń sáýirinde Brazılııada, odan keıin Ońtústik Amerıkanyń basqa da memleketterinde Zıka bezgeginiń taralýy baıqalady.
Aǵymdaǵy jyldyń 27 qańtaryndaǵy jaǵdaıǵa sáıkes Soltústikamerıkalyq, Ońtústikamerıkalyq jáne Azııa-Tynyq muhıty óńirleriniń myna 27 elinde Zıka bezgegi tirkelgen: Barbados, Bolıvııa, Brazılııa, Kabo-Verde, Kolýmbııa, Ekvador, Salvador, Fıdjı, Frantsýzdyq Gvıana, Gvadelýpa, Gvatemala. Gaıana, Gaıtı, Gondýras, Maldıva, Martınıka, Meksıka, jańa Kaledonııa, Panama, Paragvaı, Pýerto-Rıko, Sen-Marten, Samoa, Solomonov araldary, Sýrınam, Taıland, Venesýela.
Zıka bezgegi tropıkalyq óńirlerde tirshilik etetin Aedesalbopictus pen aegypti masalary shaqqan kezde adamdar arasynda taralady. Bezgek adamnan adamǵa juqpaıdy. Aýrý 4-7 kúnge sozylyp, jeńil jáne ortasha aýyr klınıkalyq formada ótip, adam saýyǵyp ketedi.
Zıka bezgegi juqqan kezdegi negizgi belgiler mynadaı: dene temperatýrasy kóteriledi, teri bórtedi, býyn, bas aýyrady, keıde júrek aınıdy. Aıta keterligi, áıelderdiń jatyryndaǵy sharanaǵa keri áser etetindigi týraly aqparat bar. Júktiliktiń 3-4 aıynda bezgek juqtyrǵan áıelderdiń sharanasyna keri áseri bar.
Osyǵan baılanysty Tutynýshylar quqyǵyn qorǵaý komıteti qazaqstandyqtarǵa usynylǵan aqparattardy shetelge saparlaryn josparlaý kezinde qaperge alýǵa, múmkindi bolsa keıinge qaldyrýǵa, ásirese júkti áıelderde epıdemıologııalyq ahýal turaqtaǵanǵa deıin Zıka bezgegi órship turǵan elderge barmaýǵa keńes beredi. Atalǵan óńirdegi eldergi barý týra kelgen jaǵdaıda qaýipsizdik sharalaryn qoldaný qajet. Qonaq úıde terezesi arnaıy tormen jabylmasa, onda ony ashpaý kerek jáne aýa baptaǵyshty paıdalanǵan jón. Joǵarydan atalǵan elderde bolǵan kezde jáne oralǵannan keıin aýrý belgileri baıqalsa, birden medıtsınalyq kómekke júginý kerek.
