Zıka vırýsy Ońtústik jáne Soltústik Amerıkaǵa jappaı taraýy múmkin
ASTANA. QazAqparat - Dúnıejúzilik densaýlyq saqtaý uıymy jańa týǵan nárestelerdiń damýyn buzatyn Zıka bezgegi vırýsy Ońtústik, Soltústik Amerıkany túgeldeı qamtýy múmkin dep boljaýda.
DDSU vırýs tirkelgen aýdandarǵa baratyn barlyq áıelderge sapar aldynda jáne sońynda dárigerler keńesine mindetti túrde júginýlerin eskertti.
Zıka bezgegi, negizinen, maımyldarda kezdesedi, ol ótkir ınfektsııalyq aýrý. Alaıda keı jaǵdaılarda ol adamǵa masa arqyly juǵady, ádette zııansyz bezgek túrinde paıda bolady. Alaıda vırýs jańa týǵan náresteler úshin qaýipti, nárestede vırýs mıkrotsefalııa týdyrýy múmkin.
DDSU jáne Eýropalyq ınfektsııalyq aýrýlardy baqylaý jáne aldyn alý ortalyǵynyń resmı aqparatyna sáıkes 2015 jylǵy sáýirden bastap Brazılııada, Ońtústik Amerıkanyń basqa da elderinde Zıka bezgegi epıdemııasynyń artqany baıqalady. Qazirgi sátte Brazılııanyń 18 shtatynda 500 myńnan astam osyndaı oqıǵa tirkelgeni belgili, dep jazady sheteldik BAQ.
