Zıka vırýsy Qazaqstanǵa da kelip qalýy múmkin
ASTANA. QazAqparat - Álemdi dúrliktirgen Zıka vırýsynyń Qazaqstanǵa taraý qaýpi joq, dep habarlady «Habar» telearnasy. «Alaıda saıahatshylar arqyly esik qaǵýy múmkin», - deıdi otandyq vırýsolog mamandar.
Qazirgi tańda Zıka Qytaıǵa deıin keldi. Demek taıaý tusta tirkelgen. Biraq dál qazir Pavlodar oblysyndaǵy ahýal kóbirek alańdatady. Mazany alǵan masalardy qatań nazarǵa alý qajet. Professor Andreı Bogoıavlenskıı olardyń vırýs tasymaldaýǵa beıim keletinin aıtady.
«Qazaqstandaǵy joǵary ylǵaldylyq pen tym ystyq aýa raıyna baılanysty bizdiń aımaqqa jat, keıbir masalardyń bóligi Ońtústik-Shyǵys Azııadan jetýi múmkin. Taralyp ketýine senimsizbin. Alaıda kezdesip qalýy yqtımal», - dedi QR BǴM Vırýsologııa men ımmýnologııa ınstıtýtynyń vırýsqa qarsy laboratorııasynyń meńgerýshisi Andreı Bogoıavlenskıı.
Eske sala keteıik, Dúnıejúzilik densaýlyq saqtaý uıymy Zıka vırýsyn álemdik aýqymdaǵy indet qataryna jatqyzdy.
