Zijin Mining Group Qazaqstandaǵy taý-ken jobalaryna $600 mln-nan astam ınvestıtsııa salady
ASTANA. KAZINFORM — Qazaqstan Respýblıkasy Premer-mınıstriniń birinshi orynbasary Nurlybek Nálibaev halyqaralyq taý-ken óndirýshi Zijin Mining Group kompanııasynyń ókilderimen kezdesti. Bul týraly Úkimettiń baspasóz qyzmeti habarlady.
Taraptar Qazaqstannyń taý-ken metallýrgııa salasyndaǵy ınvestıtsııalyq yntymaqtastyq perspektıvalaryn, onyń ishinde qatty paıdaly qazbalardy ıgerý, qaıta óńdeý jobalaryn talqylady.
Zijin Mining Group álemdegi iri taý-ken óndirýshi kompanııalardyń qataryna kiredi. 2025 jyldyń qorytyndysy boıynsha kompanııa 1,09 mln tonna mys óndirip, álemdik óndirýshiler arasynda 4-orynǵa ıe boldy, altyn óndirý kólemi 90 tonnany qurady. Kompanııa mys qory boıynsha álemde 3-orynda, altyn men mys resýrstary boıynsha – 5-orynda, myrysh boıynsha – 6-orynda, lıtıı boıynsha – 7-orynda.
Qazaqstanda Zijin Mining Group Aqmola oblysyndaǵy «Raıgorodok» ken ornynda jumys isteıdi. Jańa altyn óndirý fabrıkasynyń qurylysyna salynatyn tikeleı ınvestıtsııalar kólemi $600 mln-nan asady. Joba jylyna qosymsha 10 mln tonna ken óńdeý qýatyn quryp, taý-ken baıytý kesheniniń jalpy qýatyn 16 mln tonnaǵa deıin arttyrýdy kózdeıdi.
Kompanııa Qyzylorda oblysyndaǵy «Shalqııa» qorǵasyn-myrysh ken ornyna da qyzyǵýshylyq bildirip, jobaǵa yqtımal qatysý múmkindigin naqty pysyqtaýǵa daıyn ekenin jetkizdi.
Kezdesýde mıneraldyq shıkizatty tereń qaıta óńdeý, zamanaýı tehnologııalardy engizý, jańa jumys oryndaryn qurý, ekologııalyq, ónerkásiptik qaýipsizdik máselelerine nazar aýdaryldy.
Kezdesý qorytyndysy boıynsha taraptar yntymaqtastyqtyń perspektıvaly baǵyttary boıynsha ózara is-qımyldy jalǵastyrýǵa ýaǵdalasty.
Aıta ketelik Ońtústik Koreıa Qazaqstan ekonomıkasyna 12 mlrd dollardan astam ınvestıtsııa saldy.
