Zıdanǵa sóz aıtqan Frantsııa fýtbol federatsııasynyń prezıdenti qyzmetinen shettetildi
ASTANA. QazAqparat – Frantsııa fýtbol federatsııasynyń atqarýshy komıteti (FFF) osy uıymnyń basshysy Noel Le Greni qyzmetinen shettetý týraly sheshim qabyldady, dep habarlaıdy QazAqparat tilshisi.
Shampionat.com saıtynan alynǵan málimetke qaraǵanda, bul týraly RMC Sport habarlaǵan.
FFF basshysy qyzmetin ýaqytsha atqarý uıymnyń vıtse-prezıdenti Fılıpp Dıalloǵa júkteldi.
Frantsııa fýtbol federatsııasy tekserý júrgizip, sonyń qorytyndysy boıynsha Le Greniń bolashaǵy jóninde sheshim qabyldaıtyn bolady. Tekserý qańtar aıynyń sońyna taman aıaqtalmaqshy.
Daý Le Greniń ataqty fýtbolshy Zınedın Zıdanǵa qatysty aıtqan sózinen týyndaǵan bolatyn. Le Gre Zıdan qońyraý shalsa da, tutqany kótermeıtinin málimdegen edi. Keıin ol Zıdannan keshirim surady.
Sonymen qatar fýtbol agenti Sonıa Sýıd Le Greni seksýaldyq áreketke ıtermeledi dep aıyptady.
Frantsııa quramasynyń shabýylshysy Kılıan Mbappe bul daýda Zınedın Zıdandy qoldady.
Sondaı-aq Frantsııa quramasynyń bas bapkeri Dıde Desham da óz pikirin bildirdi.
«Le Greniń ózi aıtqandaı, sózderi qısynsyz edi. Onyń Zıdannan keshirim suraǵany durys boldy dep oılaımyn», dedi D.Desham.
Eske sala keteıik, budan buryn Frantsııa fýtbol federatsııasy prezıdentiniń Zınedın Zıdanǵa qatysty sózinen daý shyqqanyn jazǵan bolatynbyz.
