Zıdan men Kaka Gaıtıdi qoldaý úshin qaıyrymdylyq oıynyn oınaıdy
ASTANA. Qańtardyń 19-y. QazAqparat - Mansabyn 2006 jyly aıaqtaǵan, Frantsııa quramasynyń quramynda álem chempıony bolǵan Zınedın Zıdan jáne Madrıd «Realynyń» brazılııalyq jartylaı qorǵaýshysy Kaka qaıyrymdylyq matchyn oınaıdy, odan túsken qarajat Gaıtıdegi zilzala saldarynan zardap shekkenderdi qalpyna keltirýge jumsalady,
dep habarlaıdy QazAqparat Associated Press saıtyna silteme jasap.
Portýgalııanyń «Benfıka» fýtbol klýby BUU-men birigip uıymdastyratyn qaıyrymdylyq oıyny qańtardyń 25-inde Lıssabonda «Eshtadıý da Lýj» (Estadio da Luz) stadıonynda ótedi. Zıdanmen jáne Kakamen bir komandada álemdik fýtboldyń burynǵy juldyzdary oınaıdy. Olardyń ishinde cheh Pavel Nedved pen ıspanııalyq Fernando Ierro bar. Zıdan komandasynyń qarsylasy «Benfıkanyń» burynǵy jáne qazirgi juldyzdarynan jasaqtalǵan qurama bolmaqshy.
