Zıdan «Bordo» klýbyn jattyqtyrýy múmkin
ASTANA. QazAqparat - «Bordo» fýtbol klýby Zınedın Zıdandy bas jattyqtyrýshylyqqa shaqyrýda, dep habarlady sheteldik BAQ.
Taratylǵan aqparatqa qaraǵanda, beısenbi kúni klýb prezıdenti Jan-Lýı Trıo men bas aktsıoner Nıkolıa de Taverno «Real» klýby bas jattyqtyrýshysynyń assıstenti Zıdanǵa eki jyldyq resmı usynys jasaý úshin Madrıdke attanyp ketken.
Sonymen birge, bul usynysqa Zıdannyń chempıondar lıgasynyń fınalyna deıin jaýap bermeıtindigi aıtylýda. Óıtkeni 24 mamyrda «Real» maýsymdaǵy sońǵy kezdesýin ótkizedi.
«Bul máselege qatysty ázirshe eshteńe aıta almaımyz. Bári óz ýaqytynda», - dep atap ótken Jan-Lýı Trıo sózin Inside spanish football basylymy keltirip otyr.
Eger Zıdan «Bordo» klýbyn jattyqtyrýdan bas tartar bolsa, onda Frantsııa jastar quramasynyń bas jattyqtyrýshysy Vıllı Sanol kelesi kandıdat bolmaq.
