Zıdan alty jylǵa sottaldy
ASTANA. 21 qarasha. QazAqparat - Dortmýndtyń «Borýssııasy» men Mysyr quramasynyń burynǵy shabýylshysy Muhammed Zıdannyń syrtynan is qozǵalyp, ol qarjylyq alaıaqtyǵy úshin alty jylǵa túrmege qamalady, dep habarlady sport.kz.
Qala qurylysyn jobalaýmen aınalysatyn arab kompanııasy fýtbolshynyń ústinen aryz túsirgen. Al onyń ózi bolsa qazirgi ýaqytta basqa elde júrse kerek.
31 jastaǵy Mysyr turǵyny jalǵan chekterdi qoldandy dep aıyptalýda.
Bıylǵy jyldyń qańtar aıynda ol «Banı ıAs» klýbynan ketip, sodan beri ózine komanda taba almady.
Qazir ol «Al-Jazeera Sports»telearnasynda sarapshy bolyp isteıdi. Alaıda ózi fýtboldy birjolata tastaǵany jóninde eshqandaı resmı málimdeme jasaǵan joq.
