Jıýl Vernniń buryn jaryq kórmegen romany baspagerlerdi baılyqqa keneltti

ASTANA. QazAqparat - Frantsııada Jıýl Vernniń «Sý astyndaǵy 20 myń le» romany alǵash ret jarııalandy, dep jazady TASS.

Kitapty basyp shyǵarǵan «Sen Per» baspasy jazýshy kitaby arqyly oqyrmandardyń júregine jol tapty. Jańa jyl qarsańynda shyqqan 1 myń dana 500 bettik kitap qymbattyǵyna (190 eýro) qaramastan, dúkenderde lezde satylyp ketken.

Ataqty jazýshy bul shyǵarmasyn áýeli qaryndashpen jazyp, keıinnen mátindi qalamsappen túzetken. Jazýshynyń qoltańbasy anyq bolǵandyqtan, ejikteýsiz oqylady.

Jazýshynyń ózi kózi tirisinde bul týyndysyna erekshe mán bergen. Dosy Per-Jıýl Etzelge jazǵan hatynda: «Eger osy romanym sátti shyqpasa, janym tynysh tappas. Mundaı ǵajap sıýjet mende kópten beri bolmaǵan», - degen. Qoltańba romannyń birinshi bóliminiń ekinshi nusqasy. Onyń túpnusqasy Frantsııanyń Ulttyq kitaphanasynda saqtalǵan.