Jyrtylǵan, daqtary bar Týlar úshin jaýapqa tartý tetikteri ázirlenedi
Astanada Memlekettik rámizder men vedomstvoaralyq jáne olarǵa teńestirilgen ózge de nagradalar geraldıkasy máseleleri jónindegi respýblıkalyq komıssııanyń kezekti otyrysy ótti. Onyń barysynda Memlekettik rámizderdiń durys ornalasýyn qadaǵalaý máselesi boıynsha Astana qalasy ákiminiń orynbasary Ermek Amanshaev baıandama jasady.
«Astana qalasynyń ákimdigi elorda aýmaǵynda Memlekettik rámizderdiń paıdalanýyn baqylaý jumystaryn júzege asyrady. Qalalyq ákimdiktiń mamandary zańnamanyń talaptaryna sáıkes turaqty túrde taldaý jáne monıtorıng jumystaryn júrgizýde. Nátıjesinde, Memlekettik Týdyń materıalynyń eskirýi, Memlekettik Eltańbanyń túsiniń ózgerýi sekildi jaǵdaılar anyqtaldy. Aldymda sóılegen áriptesterim aıtyp ótkendeı, Astana qalasynda da jaqynda memlekettik komıssııa tarapynan tekserý jumystary ótti. Ol boıynsha 75 mekeme qaraldy. Osy tekseristiń nátıjesinde daıyndalǵan aqparatqa baılanysty, mysaly Týdyń lastanýy, keıbir jerleriniń jyrtylýy, tústeriniń ketýi sekildi faktiler bar. Olardyń barlyǵy 1 jumys kúninde túgeldeı qaıta ózgertildi», - dedi Ermek Amanshaev.
Qala ákiminiń orynbasary Memlekettik rámizderdiń durys ornalastyrylýyna baılanysty usynystaryn atap ótti.
«Túngi ýaqytta Memlekettik rámizderdi jaryqtandyrý degen másele bar. Soǵan baılanysty ǵımarattardyń, arhıtektýralyq nysandardyń ereksheligine baılanysty, olarda qoldanylǵan qurylys materıaldaryna oraı jaryqtandyrý máselesinde bir standarttaý nemese algorıtmder kerek sekildi. Bekitilgeni durys. Bunyń bárin mamandarmen birlese qarastyrǵan jón shyǵar. Memlekettik rámizderdi ornalastyrý qaǵıdalaryna sáıkes, barlyq memlekettik zańdy tulǵalar, ulttyq kompanııalar, holdıngter, AQ-lar men JShS-lar memlekettik nyshandarǵa arnalǵan ekspozıtsııa ornatýy tıis. Іs júzinde bul normalardy qadaǵalaý úshin zańdy quqyq jetise bermeıdi», - deıdi ol.
Sol sebepti Ermek Amanshaev ákimdik aıyppul sala alý úshin zańnamalyq qoldaý kerektigin atap ótti.
«Jalpy, Astana qalasy ákimdigi Memlekettik rámizderdi qoldanýshylardy ákimshilik jaýapkershilikke tartý úshin dál qazir monıtorıng júrgizýmen shektelip otyrmyz. Eger bul máseleler qoldaý taýyp jatsa, qolymyzda bir jaqsy tetik bolar edi», - dedi Ermek Amanshaev.
Óz kezeginde QR Memlekettik hatshysy Gúlshara Ábdiqalyqova óńirler men Astana bıliginen túsip jatqan usynystardy Mádenıet jáne sport mınıstrligi qoldap, qaraý kerektigin atap ótti.
«Astana ózgeler úshin árdaıym úlgi bola bilýi tıis. Qazir kir daqtary bar Týlar ornatylǵan. Keı jerde Týlar tipti jyrtylyp jatyr. Standarttardyń buzýshylyǵy kórinedi. Osynyń bárin Astana qalasy boıynsha jóndeý kerek. Óıtkeni, eń aldymen qonaqtar, halyqaralyq uıymdar, basqa da úlken forýmǵa keletinder Astanany kóredi. Isekeshev myrzaǵa baıandańyz. Bul máselege jaı qaraýǵa bolmaıdy», - dedi Gúlshara Ábdiqalyqova.
