Jyrtqysh balyqtan jaraqat alǵandar sany 85-ke jetti
ASTANA. 1 qańtar. QazAqparat - Argentınanyń Rosarıo qalasynyń jaǵajaıynda pıranıa balyǵy jaraqattaǵan adamdar sany 85-ke jetti, dep jazady ria.ru.
Shomylý aýmaǵy jabylyp, bılik temir qorshaýlar qoıyp tastaǵannyń ózinde sońǵy kúnderi 15 adam dárigerge qaralǵan. Bıologtar bul jaǵdaıdy sırek qubylys dep baǵalap otyr. Olardyń aıtýynsha, jyrtqyshtardyń jaǵaǵa jaqyn kelýine 40 gradýstyq ystyq sebep bolýy múmkin. Kún qatty ysyǵanda bul balyqtar ashynyp, aıaýsyz shabýyl jasaýǵa kóshedi. Biraq qazir nóser jańbyr jaýyp, aptaptyń beti qaıtty. Mamandar jaqyn arada pıranıalar shabýyly tyıylar dep úmittenip otyr.
