«Jyrlaımyn eńbek adamyn» respýblıkalyq aktsııasynyń nomınanttary marapattaldy

Aıta keteıik, eldegi aldyńǵy qatarly kásiporyndarynda jumys jasaıtyn eńbek adamynyń mártebesin joǵarylatý, eńbek áýletine degen jastardyń qurmetin arttyrý maqsatynda «Qazaqstannyń azamattyq alıansy» jáne QR Kásipodaq uıymdarynyń federatsııasy QR Mádenıet jáne aqparat mınıstrliginiń qoldaýymen atalmysh respýblıkalyq aktsııany uıymdastyrǵan bolatyn. Sharaǵa birneshe atalym boıynsha respýblıkanyń 200-ge tarta mekemesi qatysty. Búgin onyń qorytyndysynda eń úzdik nomınanttardyń kásibı jetistikter kórmesi ashyldy. Kórmede aktsııaǵa qatysqan 60 eńbek adamynyń fotosýretteri men bıografııalyq málimetteri usynylyp otyr. Ekspozıtsııany tamashalaýǵa Qazaqstannyń ár óńirlerinen qatysýshylardyń negizgi bóligi keldi. Olardyń qatarynda dárigerlerdiń birneshe býyn áýleti, kóp jylǵy eńbek ótili bar anestezıolog-reanımatolog dáriger men traktorshy da bar. Olardyń barlyǵyna dıplomdar, estelik syılyqtar tabys etildi.