Jyr músháırasy: tehnıka mamandary arasynda da aqyndar kóp
ASTANA. 6 qarasha. QazAqparat - Búgin Sáken Seıfýllın atyndaǵy Qazaq agrotehnıkalyq ýnıversıtetinde «Otan dep soǵar júregim!» taqyrybynda jas aqyndardyń jyr músháırasy ótti.
Osy óner dodasynyń bir ereksheligi, oǵan energetıka, agronomııa jáne tehnıkalyq mamandyqtar boıynsha bilim alyp jatqan stýdent-jastar qatysty. Bas kezinde músháıraǵa 20 jas aqyn qatysýǵa nıet bildirgen eken. Olardyń ishinen sýyrylyp shyqqan 11 aqyn búgin ózara synǵa túsip, óz ónerlerin pash etti.
Ádil qazylar alqasynyń sheshimimen, birinshi oryndy agronomııa fakýltetiniń stýdenti Nurbala Aldamjarova ıelense, QazATÝ kolledjiniń shákirti Qýanbek Qomanuly ekinshi orynǵa ıe boldy. Úshinshi oryn energetıka fakýltetiniń stýdenti Áıgerim Qurmethanǵa buıyrdy. Al músháıranyń bas júldesin tehnıkalyq fakýltettiń shákirti Aıdyn Baıysov óz qanjyǵasyna baılady.
