Jynys ózgertý jaıyndaǵy ıslam ǵalymdary pikiri
ASTANA. 8 qyrkúıek. QazAqparat - Jynysyn ózgertip, musylmandyqty moıyndaǵan jan jaıynda aǵylshyn baspasóz betterinde jaryq kórgen maqalalar toptamasy tek din ókilderiniń ǵana emes, qalyń halyqtyń da arasynda kóptegen pikirtalas týǵyzyp, aqyr sońy daý-damaıǵa ulasqan bolatyn.
Ansar. Ru aqparattyq portaly anyqtaǵandaı, buryndary áskerı qyzmette bolǵan Vallender esimdi azamattyń osydan birneshe jyl buryn jynysyn ózgertip, keıinnen sharıǵat shálisin jamylyp, Alla jolyna aıaq basqany belgili. Bul oqıǵany álem musylmandary áleýmettik jelilerde qyzý talqylaı kelip, jynysyn ózgertken adamnyń qulshylyǵy Alla taǵala aldynda tolyq bolmaıtynyn, tipti ondaı adamnyń ıslamdy qabyldaǵanyna qarsylyq tanytqandar da tabylǵan. Osy sebepti de, ıslam dininiń bilgir ǵalymdary birige kelip, túıtkildi suraqtyń túıinin sheshýge tyrysty.
Muslim.kz saıtynyń jazýynsha, Onislam.net sharıǵat departamentiniń basshysy, ǵylym doktory Vaıl Shıhabtyń bergen málimdemesi boıynsha, jynys ózgertý otasy sharıǵat zańdaryna qarama-qaıshy kelmek. Alaıda, adam otany ıslamǵa kelmes buryn jasatqan bolsa, onda onyń bul kúnási keshirilmek.
«Musylman balasy ózin Alla taǵala qalaı jaratsa, soǵan rızalyq bildirip, shúkirshilik etý tıis. Al eger psıhıkalyq nemese fızıkalyq qıyndyqtarǵa tap bolsa, sheshimder tek sharıǵat sheńberinde qabyldanýy tıis», - dep atap kórsetti ǵalym.
Ataqty Al-Azhar ýnıversıtetinen bilim alǵan Vaıl Shıhab bul tektes otalardyń tek gemofrodıt aýrýyna, ıaǵnı qos jynystylyq belgisimen týylǵandarǵa ǵana jasalýǵa bolatynyn eskertti. Osy sebepti de ol Vallender myrzany Alla taǵala áý basta erkek etip jaratqanyn eskere otyryp, bastapqy jynysyn qaıtarý jolynda taǵy ota jasatýy tıistigin tilge tıek etti. Osyndaı aýyr ota jasatý kezeńinde oǵan musylman baýyrlarynyń qol ushyn berip, kómektesý kerektigin basa aıtty.
