Jyńǵyldy-Shetpe kúrejolynda jol-kólik apatynda úsh adam zardap shekti
ASTANA. QazAqparat - Jyńǵyldy-Shetpe kúrejolynda jol-kólik apatynda úsh adam zardap shekti, dep habarady Lada.kz portaly.
Joldaǵy oqıǵa 28 qarashada Jyńǵyldy-Shetpe kúrejolynda boldy. Aldyn ala málimetter boıynsha, Daewoo Nexia avtomashınasynyń 20 jastaǵy júrgizýshisi jyldamdyqty arttyryp, mashınany basqara almaı burylysta jol jıegine tirelip, aýdaryldy, dep habarlady jol-torýyl qyzmeti.
Jol apaty saldarynan mashına júrgizýshisi ortan jiliktiń urshyǵyn shyǵaryp aldy jáne basqa da jaraqattarymen aýrýhanaǵa jetkizildi. Sondaı-aq eki jolaýshy zardap shekti, olar da eleýli jaraqattar aldy. Barlyǵynyń da jasy 20-da. Olar Mańǵystaý aýdanyndaǵy Shetpe aýylynyń turǵyndary.
