Jympıtyda Jahansha Dosmuhamedovqa arnalǵan qoıylym sahnalandy

ORAL. QazAqparat - Syrym aýdandyq mádenıet úıinde Alashorda úkimetiniń 100 jyldyǵyna jáne Batys Alashorda kósemderiniń biri, zańger Jahansha Dosmuhamedovtyń 130 jyldyǵyna oraı «Jansha» spektakli qoıyldy, dep habarlaıdy «QazAqparat» tilshisi.

Jympıty jáne Bulan halyq teatrynyń ártisteri oınaǵan qoıylymnyń rejısseri - Damıra Ábdirahmanova. Qoıylym stsenarııi ólketanýshy Jaısań Aqbaıdyń «Jansha» kitabyndaǵy derekter negizinde jazylǵan.

Jýrnalıst Baýyrjan Shırmedınulynyń málim etkenindeı, qoıylym Alashorda úkimetiniń múshesi ári kórnekti qaıratkeri Jahansha Dosmuhamedovtyń qaıratkerlik joly týraly baıandaıdy. Kórermen sahnadan Jahansha Dosmuhamedov, Halel Dosmuhamedov, Baqytjan Qarataev, Qýanaı haziret sııaqty qazaq zııalylarynyń beınelerin kóre alady. Osy biregeı tulǵalardyń ózara dıalogy arqyly qoıylymnyń negizgi ıdeıasy aıtylady.

Bir aıta keterlik jaıt, jergilikti teatrdyń ártisteri Jolaman Erkin, Sándibek Óteǵalıev, Nursultan Qaleshov jáne Armat Aldamjarov basty keıipkerlerdi jaqsy somdady. Bulardan basqa ártisterdiń de qoıylymnyń qanyq shyǵýyna úlesteri bar. Olardyń sahnalyq ajary, kıim kıisterine deıin úılesip tur.

Tusaýkeserdi halyq jyly qabyldady.