Jyljymaıtyn múlikti jedel tirkeý úshin tólenetin soma 28-den 5 aılyq eseptik kórsetkishke deıin qysarady - ınternet konferentsııa
amyrdyń 25-i. QazAqparat /Aıdar Ospanalıev/ - Ádilet mınıstrligi jyljymaıtyn múlikti tirkeý merzimin aıtarlyqtaı qysqartty.
Buryndary jyljymaıtyn múlik tıisti zań talaptary boıynsha 15 jumys kúniniń ishinde tirkelýi kerek bolsa, qazir biz Úkimetpen birlesip, memlekettik tirkeýdi júzege asyrýdyń arnaıy standarttaryn bekittik. Oǵan sáıkes, 5 jumys kúniniń ishinde jyljymaıtyn múlikke qatysty qujatty daıyn kúıinde alýǵa bolady.
Bul týraly búgin Astanada V-news portaly arqyly ótken ınternet-konferentsııa barysynda Ádilet mınıstrliginiń tirkeý qyzmeti jáne quqyqtyq kómek kórsetý komıteti tóraǵasynyń orynbasary Oljas Bektenov málim etti, dep habarlaıdy QazAqparat.
Onyń sózine qaraǵanda, jyljymaıtyn múlikti tirkeýdiń taǵy jedeldetilgen túri bar. Ol árıne aqyly. Alaıda biz jedeldetilgen tirkeý sharalary úshin tólenetin qarjynyń kólemin de qysqartýdy josparlap otyrmyz. «Búginde múlikti jedeldetip tirkeý úshin jeke tulǵalardyń tóleıtin qarjysy 28 aılyq eseptik kórsetkishke, ıaǵnı
40 myń teńgege teń bolsa, bolashaqta biz ony eldiń negizgi makroekonomıkalyq kórsetkishterine negizdeı otyryp, 5 aılyq eseptik kórsetkishke deıin qysqartýdy usynyp otyrmyz. Bul - 7 myń teńge. Menińshe, 7 myń teńge - múlkin jedel tirkegisi kelgen kez-kelgen azamatqa qoljetimdi soma», dedi komıtet tóraǵasynyń orynbasary.
