Jyljymaıtyn múlikti úıde otyryp tirkeýge qoıýǵa bolady

ASTANA. QazAqparat – Aldaǵy ýaqytta jyljymaıtyn múlik ıesine qatysty derek ózgergen jaǵdaıda ol proaktıvti túrde júzege asyrylady. Atalǵan jańashyldyqpen Ádilet vıtse-mınıstri Bekbolat Moldabekov bólisti, dep habarlaıdy QazAqparat tilshisi.

«Qazirgi ýaqytta ata-ananyń kelisimi boıynsha balaǵa týý týraly kýálik berý proaktıvti qyzmeti arqyly qoljetimdi. Sonymen qatar jyljymaıtyn múlik ıesiniń mekenjaıyn avtomatty túrde ózgertý múmkindigi bar. Atap aıtqanda, múlik ıesiniń turǵylyqty mekenjaıy aýysqan jaǵdaıda, derek qoryna avtomatty túrde ózgeris engiziledi. Sol sııaqty jyljymaıtyn múlik ıelerine kommýnaldyq qyzmetter boıynsha sharttar jasasý tártibi ońtaılandyryldy. ıAǵnı turǵyn úı satyp alǵannan keıin onyń ıesi Astana, Almaty jáne Shymkent qalalary jáne BQO, Qyzylorda, Mańǵystaý, Túrkistan, Almaty, jáne Jetisý oblystarynyń turǵyny bolsa, onda kommýnaldyq qyzmetter boıynsha shart jasasý týraly habarlama SMS arqyly keledi», - Bekbolat Moldabekov Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, jyljymaıtyn múlikti HQO-ǵa barmaı-aq www.gosreestr.kz saıty arqyly resimdeýge bolady.

«Aldaǵy ýaqytta jyljymaıtyn múlik ıesine qatysty derekke ózgeris engizý proaktıvti qyzmet arqyly júzege asyrý josparlanýda», - deıdi mınıstrdiń orynbasary.

Buǵan deıin B. Moldabekov elimizde advokattardyń reıtıngi jasalatyny týralyaıtyp ótken edi.