Jyljymaıtyn múlikti tirkeý men Jer kadastryn biriktirý josparlanýda - Beketaev
«Jyljymaıtyn múlikke quqyqty tirkeý salasyndaǵy memlekettik qyzmetti ońtaılandyrý maqsatynda olardy mınıstrlikten «Azamattarǵa arnalǵan Úkimet» memlekettik korporatsııasyna berý josparlanýda. Qazirgi ýaqytta biz bul máseleni Aqparat jáne kommýnıkatsııalar mınıstrligimen talqylaýdamyz. Eger bul tájirıbe jemisti júzege asyrylsa, onda ony memlekettik qyzmettiń basqa da túrlerine qoldanatyn bolamyz», - dedi ol.
Bunan bólek, mınıstrdiń aıtýynsha, Aýyl sharýashylyǵy mınıstrligimen «Biryńǵaı kadastr» aqparattyq málimetter bazasyn qurý týraly másele talqylaný ústinde.
«Bul baza Jyljymaıtyn múlik tirkelimi men Jer kadastryn biriktiredi dep kózdelýde. Soǵan sáıkes jer men jyljymaıtyn múlikti tirkeý jeńildetiletin bolady», - dedi Beketaev.
Sonymen qatar ol Ádilet mınıstrligi suranysqa ıe bıznes pen menshik quqyǵyn tirkeý salasyndaǵy memlekettik qyzmet kórsetýdiń merzimin ońtaılandyrǵanyn atap ótti. Máselen, zańdy tulǵalardy memlekettik tirkeý merzimi 1 jumys kúnine deıin, al habarlama jasaý tártibindegi qyzmetter 1 saǵatqa deıin qysqarǵanyn aıtty.
